Նոր iPhone-ները կթանկանան՝ թանկարժեք չիպերի պատճառով

Չինական China Times պարբերականի տվյալներով՝ Apple-ը 2026 թվականին ստիպված կլինի բարձրացնել iPhone-ների գները՝ արտադրական ծախսերի աճի հետևանքով։ Պատճառը նոր A20 պրոցեսորն է, որը մշակվում է TSMC ընկերության կողմից և դառնալու է առաջին 2-նանոմետրանոց չիպը, կիրառվող iPhone 18 սերիայում, հայտնում է Lenta.ru-ն։

TSMC-ն իր գործընկերներին տեղեկացրել է, որ 2-նանոմետրանոց չիպերը առնվազն 50% ավելի թանկ են լինելու՝ համեմատած 3-նանոմետրանոցների հետ։ Արդյունքում, նույնիսկ Apple-ը չի կարողանա ստանալ զեղչեր, քանի որ արտադրությունը պահանջում է աննախադեպ բարձր ներդրումներ։ Ըստ հաշվարկների՝ նոր չիպերի գինը կարող է հասնել 280 դոլարի, մինչդեռ iPhone 16-ում օգտագործվող A18 պրոցեսորները արժեին ընդամենը 45 դոլար։

Ավելի հավանական է, որ iPhone 18 Pro և 18 Pro Max մոդելները կլինեն միակները, որոնք կստանան այս նորագույն պրոցեսորները։ Մասնագետների գնահատմամբ՝ Apple-ի գների աճը գրեթե անխուսափելի է, քանի որ արտադրության ինքնարժեքը վերջին երկու տարում աճել է ավելի քան վեց անգամ։