Բելլա Հադիդը բացատրել է իր անսովոր քայլքը Victoria’s Secret-ի շոուում

Ամերիկացի սուպերմոդել Բելլա Հադիդը բացատրել է իր անսովոր ու հոգնած քայլքը Victoria’s Secret-ի շոուի ժամանակ՝ ասելով, որ այդ օրը ունեցել է մենստրուացիա։ Դեպքը լայն արձագանք է գտել TikTok-ում, որտեղ մոդելի երկրպագուներից մեկը տեսանյութ էր հրապարակել՝ նշելով, որ Հադիդը «շատ տխուր և հոգնած» տեսք ուներ։

Մոդելը արձագանքել է մեկնաբանությանը՝ գրելով. «Այդ օրը առավոտյան սկսվել էր մենստրուացիաս, և ես դեռ չէի ամբողջությամբ ապաքինվել հիվանդանոցային շրջանից, բայց փորձեցի անել ամեն ինչ հնարավորից։ Շնորհակալ եմ մտահոգությանդ համար, ես լավ եմ, երդվում եմ»։

Հիշեցնենք, որ Բելլա Հադիդը սեպտեմբերի 18-ին հայտնվել էր հիվանդանոցում Լայմի հիվանդության սրացման պատճառով, որը նրան ախտորոշվել էր դեռ 2012-ին։ Նրա մայրը՝ հեռուստաաստղ Յոլանդա Հադիդը, հրապարակել էր լուսանկարներ դստեր հիվանդանոցային սենյակից, սակայն մի շարք օգտատերեր կասկածել էին այդ պատմության հավաստիությանը՝ նկատելով հեմոդիալիզի սարքավորում լուսանկարներում։