Ռուս-ամերիկյան գագաթնաժողովը հետաձգվել է. Պուտին

Ռուսաստանի նախագահ Վլադիմիր Պուտինը կարծում է, որ Բուդապեշտում կայանալիք ռուս-ամերիկյան գագաթնաժողովը հետաձգվել է, այլ ոչ թե չեղարկվել։

Նա նշել է, որ նախկինում հայտարարել էր, որ նման հանդիպումները պետք է լավ նախապատրաստվեն, և ԱՄՆ նախագահը լիովին համաձայն է։

«Հիմա ես տեսնում եմ, որ իր հայտարարության մեջ ԱՄՆ նախագահը որոշել է չեղարկել կամ հետաձգել այս հանդիպումը։ Ամենայն հավանականությամբ, նա խոսում է այս հանդիպումը հետաձգելու մասին», – ընդգծել է Պուտինը՝ նշելով, որ երկխոսությունը միշտ ավելի լավ է, քան բախումը, վեճերը կամ պատերազմը։