Կոպեյսկում տեղի ունեցած պայթյունի զոհերի թիվը հասել է 12-ի

Չելյաբինսկի մարզի Կոպեյսկ քաղաքի գործարանում տեղի ունեցած պայթյունի հետևանքով զոհերի թիվը 10-ից հասել է 12-ի: Այս մասին իր Telegram ալիքում հայտնել է նահանգապետ Ալեքսեյ Տեքսլերը։

Նրա խոսքով՝ ընկերության 10 աշխատակիցների գտնվելու վայրը դեռ անհայտ է։ Ինչպես պարզաբանել է Տեքսլերը, «Արտակարգ իրավիճակների նախարարությունը շարունակում է որոնումները»։

Ավելի վաղ, հղում անելով տեղական իշխանություններին, հաղորդվել էր 10 զոհի և 19 վիրավորի մասին։