Ռուս մարզիկները չեն մասնակցի 2026 թվականի Պարալիմպիկ խաղերին

Ռուս մարզիկները չեն մասնակցի 2026 թվականի Պարալիմպիկ խաղերին՝ որակավորման հնարավորությունների բացակայության պատճառով, ՏԱՍՍ-ին հայտնել են Միջազգային Պարալիմպիկ Կոմիտեի (IPC) մամուլի ծառայությունից:

«Միջազգային դահուկային և սնոուբորդային ֆեդերացիայի (FIS), Միջազգային բիաթլոնի միության (IBU) և Աշխարհի քյորլինգի դիրքորոշումը նշանակում է, որ Ռուսաստանի և Բելառուսի մարզիկներն ու թիմերը չեն կարող մրցել իրենց համապատասխան մարզաձևերում, ինչը նրանց զրկում է 2026 թվականի ձմեռային պարալիմպիկ խաղերին որակավորվելու հնարավորությունից», - ասել է IPC նախագահ Էնդրյու Պարսոնսը: «Չնայած Ռուսաստանի և Բելառուսի թիմերն այժմ կարող են մրցել պարալիմպիկ հոկեյում, որակավորման ցիկլի այս ուշ փուլում արդեն ընտրվել է վեց թիմ՝ նոյեմբերին կայանալիք պարալիմպիկ որակավորման մրցաշարին մասնակցելու համար»:

2026 թվականի Պարալիմպիկ խաղերը կանցկացվեն մարտի 6-ից 15-ը Իտալիայում։