Պուտինը հեռախոսազրույց է ունեցել Ալիևի հետ

Ռուսաստանի նախագահ Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիևի հետ։ Այս մասին տեղեկանում ենք Կրեմլի տելեգրամյան ալիքի հաղորդագրությունից։

«Քննարկվել են երկկողմ օրակարգի մի շարք հրատապ հարցեր», - ասվում է հաղորդագրության մեջ։

Մամուլի ծառայության հաղորդմամբ՝ զրույցի ընթացքում երկու առաջնորդները վերահաստատել են իրենց հանձնառությունը՝ շարունակելու առևտրատնտեսական կապերի զարգացումը և էներգետիկայի, տրանսպորտի և լոգիստիկայի ոլորտներում համատեղ նախագծերի իրականացումը։ Նրանք նաև անդրադարձել են տարածաշրջանային համագործակցության և միջազգային իրավիճակի մի շարք ասպեկտների։

Նախագահները համաձայնել են շարունակել իրենց երկրների միջև շփումները տարբեր մակարդակներում։