Փոքր ՀԷԿ-երը Լոռու գետերից ավելի ջրառի համար կփոխհատուցեն 29 միլիոն դրամ. ԲԸՏՄ
Տնտեսություն
Բնապահպանության և ընդերքի տեսչական մարմնի աշխատակիցները Լոռու մարզի փոքր ՀԷԿ-երում կատարած ստուգումների արդյունքում արձանագրել են ջրային ռեսուրսների գերշահագործման դեպքեր։
«Լեռ և ջուր» ՍՊԸ-ին պատկանող «Արջուտ 1», «Արջուտ 2» և «Չիչխան» փոքր ՀԷԿ-երը, համապատասխանաբար, Լեռնաջուր, Փամբակ, Չիչխան գետերից ջրառն իրականացրել են ջրօգտագործման թույլտվությունների պահանջների խախտումներով։
Ներկայացվել է 16.419.668 դրամի ջրային ռեսուրսներին հասցված վնասի փոխհատուցման պահանջ։
«Օստ-էլ» ՍՊԸ-ին պատկանող «Հաղպատ 1» փոքր ՀԷԿ-ը՝ Դեբեդ գետի վտակներից կատարել է ջրօգտագործման թույլտվությամբ նախատեսված ծավալներից ավելի ջրառ։
Ջրային ռեսուրսներին հասցված վնասի փոխհատուցման պահանջի չափը՝ 6.492.144 դրամ։
«Այուդա-լոս» ՍՊԸ-ին պատկանող «Պոզիտրոն» փոքր ՀԷԿ-ը՝ Մարց գետից կատարել է սահմանված չափաքանակները գերազանցող ջրառ։
Ներկայացվել է 6.068.132 դրամի ջրային ռեսուրսներին հասցված վնասի փոխհատուցման պահանջ։
Ընկերությունների տնօրենների նկատմամբ նշանակվել են վարչական տուգանքներ, ընդհանուր՝ 1.760.000 դրամի չափով։
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
