Սի Ցզինպինը բացահայտել է Թրամփի «գաղտնիքը»

The Wall Street Journal-ը գրում է, որ Չինաստանի նախագահ Սի Ցզինպինը մշակել է նոր դիվանագիտական ռազմավարություն՝ հատուկ ԱՄՆ նախագահի Դոնալդ Թրամփի համար։ Աղբյուրների փոխանցմամբ՝ առաջին պաշտոնավարման տարիներին Թրամփը հաճախ էր նյարդայնացնում Սիին՝ իր անկանխատեսելի վարքով, որտեղ միախառնվում էին թե՛ սպառնալիքներ, թե՛ բարեկամական ժեստեր։

Պարբերականը նշում է, որ Սին այս անգամ հրաժարվել է Պեկինի ավանդական զուսպ դիվանագիտությունից և ընտրել է ավելի անհատական մոտեցում՝ հարմարեցված Թրամփի կերպարին որպես «գործարքների վարպետի»։ Այս ռազմավարության շրջանակում նախատեսվում է քննարկել հարցեր, որոնք հատկապես կարևոր են Թրամփի համար, այդ թվում՝ չինական TikTok սոցիալական հարթակի ապագան ԱՄՆ-ում։

Հաղորդվում է նաև, որ Թրամփն ու Սին կհանդիպեն հոկտեմբերի 30-ին՝ Հարավային Կորեայում կայանալիք գագաթնաժողովի ընթացքում, որտեղ կողմերը կփորձեն մեղմել վերջին ամիսների լարված հարաբերությունները։