ՀԱՄԱՍ-ը համաձայնել է Գազայի վերահսկողությունը հանձնել ժամանակավոր կառավարությանը

Պաղեստինյան խմբավորումները համաձայնության են եկել Գազայի հատվածի կառավարումը փոխանցել ժամանակավոր տեխնոկրատական կառավարությանը և ստեղծել միջազգային կոմիտե՝ անկլավը վերակառուցելու համար, ասվում է ՀԱՄԱՍ-ի հայտարարության մեջ, որը տարածվել է Կահիրեում տեղի ունեցած միջպաղեստինյան հանդիպումից հետո։

«Հանդիպման մասնակիցները համաձայնության եկան Գազայի հատվածի կառավարումը փոխանցել տեղացի տեխնոկրատներից կազմված ժամանակավոր հանձնաժողովին, որը հետպատերազմյան շրջանում կկարգավորի առօրյա կյանքը՝ բարեկամ արաբական երկրների և միջազգային կազմակերպությունների հետ համագործակցությամբ», - ասվում է Կահիրեում միջպաղեստինյան հանդիպումից հետո տարածված հայտարարության մեջ։