Նոր պատժամիջոցները չեն փոխի Պուտինի դիրքորոշումը Ուկրաինայի հարցում. Sky News

ԱՄՆ-ի կողմից ռուսական նավթային ընկերությունների դեմ սահմանված պատժամիջոցները և եվրոպական հետագա սահմանափակումները չեն ազդի նախագահ Վլադիմիր Պուտինի՝ Ուկրաինայի հարցում դիրքորոշման վրա, հաղորդում է Sky News-ը՝ հղում անելով վերլուծաբաններին։

Զրուցակիցները կոչ են արել «չչափազանցել այս ամենի նշանակությունը»։ Մասնագետների կարծիքով՝ «միայն պատժամիջոցները» չեն ստիպի Ռուսաստանի նախագահ Վլադիմիր Պուտինին վերանայել իր դիրքորոշումը։

«Հետևաբար, Ուկրաինան պետք է ստանա ավելի շատ զենք, Ուկրաինան պետք է ստանա ավելի շատ աջակցություն, և Ուկրաինան պետք է ստանա ավելի շատ երաշխիքներ», - նշվում է տեքստում։