Ռուսական բանակը հարվածել է Ուկրաինայի ռազմարդյունաբերական օբյեկտներին և էներգետիկ ցանցերին

ՌԴ պաշտպանության նախարարությունը հայտնել է, որ ռուսական զինված ուժերը զանգվածային հարված են հասցրել Ուկրաինայի ռազմական արդյունաբերական ձեռնարկություններին և էներգետիկ ենթակառուցվածքներին՝ ի պատասխան Կիևի կողմից Ռուսաստանի քաղաքացիական օբյեկտների վրա իրականացված հարձակումների։

Հարձակման համար օգտագործվել է երկար հեռահարության բարձր ճշգրտության զենք և հարվածային անօդաչու սարքեր։ Ըստ նախարարության՝ բոլոր նշված թիրախները հաջողությամբ ոչնչացվել են։ Բացի այդ, հարված է հասցվել Ուկրաինայի «Նեպտուն» ափամերձ հրթիռային համալիրի գործարկման կայանին և բեռնատար մեքենային, ինչպես նաև անօդաչու սարքերի արտադրական ցեխերին։

Ավելի վաղ հաղորդվել էր, որ ռուսական ուժերը Դոնեցկի մարզի Կոնստանտինովսկի ուղղությամբ ոչնչացրել են Ուկրաինայի բանակի հրետանային կայանք։ Մոսկվայի տվյալներով՝ վերջին գործողությունները միտված են նվազեցնելու Կիևի ռազմական ներուժը և կանխելու հետագա հարձակումները Ռուսաստանի տարածքի վրա։