Միգրանտների միջև տեղի ունեցած զանգվածային ծեծկռտուքին մասնակցել է Mercedes-ից ղեկավարվող խումբ

Մոսկվայի «Պրոկշինո» բնակելի համալիրի բնակչուհին պատմել է, որ միգրանտների զանգվածային ծեծկռտուքի ընթացքում տարածքում նկատվել է սև գույնի, առանց համարանիշերի Mercedes, որի ուղևորները, ըստ ականատեսների, «ղեկավարել են» տեղի ունեցածը։ Ինչպես հաղորդում է Подъем-ը, վեճը սկիզբ էր առել նախօրեին, սակայն հաջորդ օրը վերածվել է լայնածավալ բախման։

Բնակիչների խոսքով՝ դեպքից առաջ տարածքում անցկացվել էր բարձրաձայն հավաք, իսկ առավոտյան այնտեղ ժամանել էին մարդիկ՝ հավանաբար շինարարական ընկերությունների ներկայացուցիչներ կամ մասնավոր վարպետներ, որոնք հաճախ առաջարկում են ծառայություններ միգրանտներին։ Տեղացիները ենթադրում են, որ բախումը կարող է կապված լինել «հաճախորդների» համար մրցակցության հետ։

Հայտնի է նաև, որ տարածքը դեռևս չի փոխանցվել քաղաքային կառույցներին, ուստի այնտեղ չկան «Ապահով քաղաք» համակարգի տեսախցիկներ։ Բնակիչները բազմիցս դիմել են իշխանություններին՝ պահանջելով արագացնել տեսահսկման համակարգերի տեղադրումը։ Դեպքի վայր են մեկնել ոստիկանությունը, Ռոսգվարդիան և շտապօգնությունը։ Ըստ ականատեսների՝ բախման ընթացքում լսվել են գոռոցներ «անհասկանալի լեզվով», իսկ անցորդները ստիպված են եղել փախչել հարվածներից։