Պուտինը պատմական է անվանել ՄԱԿ-ի կոնվենցիան կիբերհանցագործությունների դեմ

ՌԴ նախագահ Վլադիմիր Պուտինը Հանոյում ստորագրված ՄԱԿ-ի կիբերհանցագործությունների դեմ կոնվենցիան անվանել է «առանց չափազանցության պատմական իրադարձություն»։ Նրա խոսքով՝ այս փաստաթուղթը հնարավոր դարձավ Ռուսաստանի կողմից 2019-ին ներկայացված նախաձեռնության շնորհիվ՝ մշակելու համընդհանուր միջազգային պայմանագիր տեղեկատվական տեխնոլոգիաների հանցավոր օգտագործման դեմ։

Կոնվենցիան մշակվել է ՌԴ Գլխավոր դատախազության և ԱԳՆ-ի համագործակցությամբ և արդեն ստորագրվել է 65 երկրների կողմից։ Պուտինը շեշտել է, որ, չնայած բարդ աշխարհաքաղաքական իրավիճակին, ՄԱԿ-ի անդամ պետությունների դիվանագետներն ու իրավապահ մարմինները կարողացան համատեղ աշխատանքով ձևավորել համաշխարհային համաձայնագիր՝ ուղղված թվային հանցագործությունների դեմ պայքարին։

Նախագահը հավելել է, որ Ռուսաստանը բաց է միջազգային համագործակցության համար և պատրաստ է միասին հակազդել կիբերհարձակումներին, որոնք հաճախ կապված են ահաբեկչության, ծայրահեղականության քարոզչության, ինչպես նաև թմրանյութերի ու զենքի անօրինական շրջանառության հետ։