Ռուսաստանը ամբողջությամբ վերաուղղել է գազի և նավթի արտահանումը դեպի Արևելք և Հարավ

ՌԴ էներգետիկայի նախարար Սերգեյ Ցիվիլևը հայտարարել է, որ Ռուսաստանի ռազմավարական նպատակը՝ էներգառեսուրսների արտահանման ուղղությունը փոխելը Արևմուտքից դեպի Արևելք և Հարավ, արդեն իրականացվել է։ «Գազի, նավթի, նավթամթերքների և ածխի մատակարարումների վերաուղղման ռազմավարական ծրագիրը ամբողջությամբ կատարված է», — ասել է նախարարը ТАСС-ին տված հարցազրույցում։

Ցիվիլևը շեշտել է, որ Ռուսաստանը ներկայումս մատակարարում է Չինաստանին տարեկան շուրջ 106 միլիարդ խմ գազ, ինչը, ըստ նրա, դառնում է «հսկայական այլընտրանք» եվրոպական շուկային։ Եվրոպան, հիշեցրել է նա, ինքնակամ հրաժարվել է ռուսական գազի ներմուծումից՝ կորցնելով էներգետիկ կայունությունը։

Նախարարը նաև կրկնել է «էներգետիկ արդարության սկզբունքի» մասին իր դիրքորոշումը՝ նշելով, որ անընդունելի է, երբ որևէ երկիր փորձում է այլոց պարտադրել իր պայմանները էներգետիկ քաղաքականության հարցերում։ Ցիվիլևի խոսքով՝ նոր մատակարարման ուղղությունները Ասիա–Խաղաղօվկիանոսյան տարածաշրջան և Մերձավոր Արևելք կդառնան Ռուսաստանի երկարաժամկետ զարգացման առանցքային ուղղություններից մեկը։