Ռուսաստանը ցանկանում է վերականգնել մշակութային կապերը Ադրբեջանի հետ

Ռուսաստանը պատրաստ է վերսկսել հումանիտար կապերի հաստատումը Ադրբեջանի հետ։

ՌԻԱ Նովոստիին ասել է Ռուսաստանի Դաշնության նախագահի միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյը։

«Միշտ ասել ենք, որ Ռուսաստանը պատրաստ է ամեն ինչի, ինչին պատրաստ են իր գործընկերները։ Եվ այնքանով, որքանով մեր ադրբեջանցի ընկերներն ու գործընկերները պատրաստ են վերսկսել հումանիտար կապերի, գիտության, կրթության և մշակույթի ոլորտներում կապերի հաստատումը, մենք նույնպես պատրաստ ենք», - ասել է Շվիդկոյը՝ խոսելով երկրների միջև մշակութային կապերի վերականգնման հեռանկարի մասին։

Նա ընդգծել է, որ Ռուսաստանը և Ադրբեջանը կիսում են դարավոր պատմություն, որ երկու ժողովուրդները սերտորեն միահյուսված են, և կիսում են նույն հոգևոր ու բարոյական արժեքները, որոնք կազմում են երկու երկրների հասարակությունների հիմքը։

«Ինձ թվում է, որ մենք խորը պատճառներ չունենք լիովին չվերականգնելու բոլոր հարաբերությունները», - նշել է Շվիդկոյը։