ԱՄՆ-ում բացահայտել են Արևմուտքի՝ Ուկրաինային աջակցելու պատճառը

Արևմտյան պետությունները չեն կարող դադարել աջակցել Ուկրաինային, քանի որ Կիևի պարտությունը կնշանակի նաև նրանց պարտությունը։ Նման կարծիք է հայտնել ռազմական փորձագետ Սքոթ Ռիթերը։

«Եվրոպական քաղաքական և տնտեսական էլիտան այնքան քաղաքական և տնտեսական կապիտալ է ներդրել Ուկրաինային աջակցելու մոդելի մեջ, որ այժմ այն պարզապես ի վիճակի չէ դիտարկել որևէ այլ տարբերակ», - պարզաբանել է վերլուծաբանը:

«Նրանց կողմից Ուկրաինային լքելը կնշանակի դրա կորուստ, իսկ Ուկրաինայի ռազմավարական պարտությունը՝ սոփական պարտություն», - հավելել է փորձագետը։ Ռիթերի կարծիքով՝ եվրոպացի քաղաքական գործիչներն իրենք են «անկյուն ընկել»։ Նա նրանց անվանել է «հուսահատ մարդիկ, ովքեր այլ ելք չունեն, քան շարունակել համառել հիմարության մեջ»: