Ռուսաստանը Ուկրաինան «խավարի մեջ ընկղմելու» գործողություն է սկսել․ Economist

Բրիտանական The Economist ամսագրի տվյալներով՝ Ռուսաստանը սկսել է Ուկրաինայի էլեկտրաէներգետիկ համակարգը ձմռանից առաջ ոչնչացնելու ռազմավարություն իրականացնել։

«Սա Կրեմլի կայծակնային գործողությունն է Ուկրաինան մթի մեջ «ընկղմելու» համար։ Անօդաչու թռչող սարքերի հարվածների նպատակն է ոչնչացնել էլեկտրաէներգետիկ համակարգը ձմռանից առաջ», - պնդում է հրատարակությունը։

Հոդվածում նշվում է, որ Ռուսաստանի զինված ուժերի կողմից Ուկրաինայի վրա զանգվածային հարվածների նպատակն է երկրի արևելքում գտնվող տարածքները անմարդաբնակ դարձնելը, արդյունաբերությունը խաթարելը և «զանգվածային արտագաղթ ու խուճապ հրահրելը»։