Վենեսուելայում անհայտ բեռով ռուսական ինքնաթիռ է վայրէջք կատարել

Ռուսական «Ավիակոն Զիտոտրանս» ավիաընկերությանը պատկանող Իլ-76ՏԴ ինքնաթիռը Վենեսուելա է ժամանել անհայտ բեռով, հաղորդում է Военный Осведомитель տելեգրամյան ալիքը։

Ինքնաթիռի՝ Վենեսուելա ժամանումը հաստատել է նաև FlightRadar24-ը։ Պորտալի տվյալներով՝ ինքնաթիռը Ռուսաստանից մեկնել է հոկտեմբերի 22-ին՝ կանգ առնելով Հայաստանում, Ալժիրում, Մարոկկոյում, Սենեգալում և Մավրիտանիայում։

2023 թվականի հունվարին «Ավիակոն Զիտոտրանսը» ներառվել է ԱՄՆ պատժամիջոցների ցանկում՝ պատժամիջոցների տակ գտնվող ռուսական ընկերությունների համար բեռներ տեղափոխելու համար։