Ռուսաստանում բենզինի գինը սկսել է նվազել

Հոկտեմբերի 27-ին Պետերբուրգի բորսայում ֆիքսվել է բենզինի գների նվազում․ АИ-92 տեսակի բենզինի արժեքը նվազել է 3.21 տոկոսով՝ հասնելով 71,757 ռուբլու մեկ տոնի դիմաց։ Իսկ АИ-95 բենզինի գինը գրեթե անփոփոխ է մնացել՝ նվազելով ընդամենը 0.03 տոկոսով՝ մինչև 79,622 ռուբլի։ Նույն ժամին նվազել են նաև դիզվառելիքի բոլոր տեսակների գները՝ ամառայինը՝ 0.75, աշնանայինը՝ 1.03, իսկ ձմեռայինը՝ 0.61 տոկոսով։

Չնայած գների այս նվազմանը, փորձագետները զգուշացնում են, որ վառելիքի շուկայում ճգնաժամը դեռ չի հաղթահարվել։ Տրանսպորտային բարդությունները և առաջարկի պակասը շարունակում են պահպանվել տարբեր ռուսական շրջաններում՝ մասնավորապես՝ Ուկրաինական անօդաչուների հարձակումների պատճառով վնասված նավթավերամշակման գործարանների ֆոնին։

Ռուսաստանի իշխանությունները մինչև տարեվերջ արգելել են բենզինի արտահանումը՝ ներքին շուկան կայունացնելու նպատակով։ Այնուամենայնիվ, մի շարք մարզերում շարունակում են գրանցվել բենզինի պակասի դեպքեր․ որոշ բենզալցակայաններ սահմանափակում են վաճառքը մեկ հաճախորդի համար, իսկ մյուսները բարձրացրել են գները՝ մրցակիցների վառելիքի պաշարների սպառման ֆոնին, հայտնում է Lenta.ru-ն։