Աշխարհի ամենատարեց նախագահը վերընտրվել է նոր ժամկետով

Կամերունի 92-ամյա նախագահ Պոլ Բիան վերընտրվել է ութերորդ ժամկետով: Այս մասին հայտնում է Agence France-Presse-ը՝ վկայակոչելով քվեարկության արդյունքները։

Հաղորդվում է, որ աֆրիկյան երկրի առաջնորդը ստացել է ընտրողների ձայների 53,66 տոկոսը: Այսպիսով, Բիան կմնա իշխանության ղեկին մինչև 99 տարեկան: Կամերունի առաջնորդը աշխարհի ամենատարեց նախագահն է, ինչպես նաև կառավարման ամենաերկար տևողությամբ երկրորդ ոչ ժառանգական առաջնորդը՝ զիջելով միայն Հասարակածային Գվինեայի նախագահ Թեոդորո Օբիանգ Նգեմ Մբասոգոյին:

Նախագահի պաշտոնում կրկին առաջադրվելու իր որոշման մասին Բիան հայտնել էր հուլիսին։ «Համոզված եղեք, որ Ձեզ ծառայելու իմ վճռականությունը համապատասխանում է մեր առջև ծառացած մարտահրավերների սրությանը։ Միասին մենք կարող ենք հաղթահարել ցանկացած խոչընդոտ», - հայտնել Է առաջնորդը։