Ռուսաստանը խոստանում է խիստ պատասխան տալ՝ Բելգորոդի ջրամբարի վրա ԶՈՒ հարվածների պատճառով

ՌԴ Պետդումայի պաշտպանության կոմիտեի անդամ Անդրեյ Կոլեսնիկը հայտարարել է, որ Ռուսաստանը կպատասխանի Ուկրաինայի ԶՈՒ-ի հարվածներին՝ ուղղված Բելգորոդի ջրամբարի պատնեշին։ Նրա խոսքով՝ պատասխան գործողությունները կարող են ներառել հարվածներ Ուկրաինայի ռազմական և էներգետիկ ենթակառուցվածքի օբյեկտների, ինչպես նաև զինապահեստների վրա։

«Նրանք հարվածեցին քաղաքացիական ենթակառուցվածքին և գործնականում ստեղծեցին տեխնածին աղետ։ Այդ հարվածը ուղղված էր խաղաղ բնակչությանը, քանի որ մարդիկ ջրի մատակարարումից զրկվեցին։ Պատասխանը կլինի կոշտ՝ ռազմական օբյեկտների ուղղությամբ», — նշել է Կոլեսնիկը «Лента.ру»-ի հետ զրույցում։

Հոկտեմբերի 25-ին Ուկրաինայի զինուժը հրթիռային հարված էր հասցրել Բելգորոդի մարզի ջրամբարի պատնեշին, ինչի հետևանքով վնասվել էր կառույցը և ջրի մակարդակը սկսել էր ընկնել։ Մի քանի գյուղերում արձանագրվել է ջրհեղեղ, և բնակիչներին առաջարկվել է տարհանել։ Ռուսական կողմը միջադեպը որակել է որպես Կիևի փորձ՝ ստեղծելու տեխնածին աղետ։