Պուտինը պարծենում էր, որ Ռուսաստանը կգրավի ամբողջ Դոնբասը մինչև հոկտեմբերի 15-ը. Զելենսկի

Ուկրաինայի նախագահ Վոլոդիմիր Զելենսկին նշել է, որ Ռուսաստանը ստում է ճակատում հաջողությունների մասին, և դրա փոխարեն շատ կորուստներ ունի։ Մասնավորապես, Ուկրաինայի առաջնորդը հերքել է, որ օկուպանտները կարող են արագ գրավել Ուկրաինայի տարածքը։  Այս մասին գրել 24 ալիքը՝ հղում անելով Axios-ին: 

«Վերջերս տարածված այն պնդումները, թե Ռուսաստանը հաջողությունների է հասնում առաջնագծում, պարզապես դատարկ խոսքեր են։ Իրականում օկուպանտները չեն կարողացել որևէ էական առաջընթաց գրանցել։ Սակայն, իր դաշնակիցների հետ անձնական զրույցներում Վլադիմիր Պուտինը հայտարարել է, որ իր բանակը կգրավի ամբողջ Դոնբասը մինչև հոկտեմբերի 15-ը։ Ուկրաինական հետախուզությունը տեղեկացել է Ռուսաստանի նախագահի հայտարարությունների մասին»– ասել է Զելենսկին։

«Ռուսաստանը չի կարող դա անել։ Նա բավարար մարդիկ չունի։ Նրա (Պուտինի - խմբ) հզոր գումարտակները ոչնչացվել են։ Այսօր, մարտադաշտում, մենք հիմնականում մնում ենք այնտեղ, որտեղ եղել ենք վերջին երկու-երեք ամիսների ընթացքում», - նշել է Ուկրաինայի նախագահը։