Գերմանիայում ավելի քան 500 հազար թռչուն է ոչնչացվել թռչնագրիպի պատճառով

Գերմանիայի 30 գյուղատնտեսական տնտեսություններում ավելի քան 500 հազար հավ, բադ, սագ և հնդկահավ է ոչնչացվել թռչնագրիպի վարակման վտանգի պատճառով, հաղորդում է NTV հեռուստաալիքը՝ հղումով Ֆրիդրիխ Լյոֆֆլերի անվան դաշնային անասնաբուժական ինստիտուտի (FLI) ներկայացուցիչներին։

FLI-ի տվյալներով՝ այս տարվա սեպտեմբերի սկզբից Գերմանիայի ֆերմաներում արձանագրվել է H5N1 տեսակի թռչնագրիպի 31 բռնկում։ Դրանց մեծ մասը գրանցվել է Նիժնի Սաքսոնիա, Բրանդենբուրգ և Մեկլենբուրգ-Առաջային Պոմերանիա երկրամասերում։ Սակայն վարակման դեպքեր արձանագրվել են նաև երկրի այլ շրջաններում։

«Թռչնագրիպի տարածման իրավիճակը ներկայումս փոխվում է այնքան արագ, որ թվերը ավելի շուտ ցույց են տալիս մասշտաբները, քան ճշգրիտ տվյալները»,- նշել է FLI-ի ներկայացուցիչը՝ իր խոսքում։