Օրբանը մեկնաբանել է Բուդապեշտում Պուտին-Թրամփ գագաթնաժողովը

Հունգարիայի վարչապետ Վիկտոր Օրբանը հայտարարել է, որ նախագահներ Վլադիմիր Պուտինի և Դոնալդ Թրամփի միջև Բուդապեշտում կայանալիք գագաթնաժողովը տեղի կունենա։ Նրա խոսքերը մեջբերում է Index-ը։

Նա նշել է, որ «այն, ինչ հետաձգվում է, միևնույն է, տեղի կունենա»։ Վարչապետը վստահեցրել է, որ բանակցությունները շարունակվում են, և «փաստ է, որ Բուդապեշտում տեղի կունենա խաղաղության գագաթնաժողով»։ Սակայն նա չի կարողացել կոնկրետ ամսաթվեր նշել։

Օրբանը կոչ է արել հղում անել Եգիպտոսում կայացած Մերձավոր Արևելքի խաղաղության գագաթնաժողովին։

«Եկեք նայենք վերջին նման խոշոր խաղաղության գագաթնաժողովի սցենարին։ Այն տեղի է ունեցել Եգիպտոսի Շարմ էլ Շեյխում, որտեղ վերջապես կնքվեց խաղաղություն Մերձավոր Արևելքում։ Կողմերը, այդ թվում՝ ամերիկացիները, երկար բանակցություններ են վարել, ապա շաբաթ օրը հայտարարել են, որ համաձայնագիրը կստորագրվի երկուշաբթի օրը։ Ահա թե ինչպես պետք է դիտարկենք դա», - ասել է Օրբանը։