«Արդյո՞ք դուք ձեզ ավելի ապահով եք զգում, երբ ձեր էլիտաները պատերազմի կացին են բարձրացնում». Լավրով

Ռուսաստանի արտգործնախարար Սերգեյ Լավրովը III Մինսկի եվրասիական անվտանգության համաժողովում հայտարարել է, որ եվրոպական առաջնորդները խաբում են իրենց ժողովուրդներին՝ ներկայացնելով Ռուսաստանին որպես ՆԱՏՕ-ի և Եվրամիության դեմ հարձակման պատրաստվող երկիր։ Նրա խոսքով՝ իրականում Արևմուտքն ինքն է «պատերազմի կացինը բարձրացնում»՝ արդարացնելով սեփական քաղաքական սխալները։

«Եվրոպական ղեկավարները գիտակցաբար մոլորեցնում են իրենց քաղաքացիներին՝ հակառուսական հիստերիայի միջոցով, կարծես թե պատերազմը կարող է ամեն ինչ արդարացնել։ Նրանք փորձում են իրենց ձախողումները, այդ թվում՝ ուկրաինական ճգնաժամում, բարդել Մոսկվայի վրա»,— նշել է Լավրովը։

Նախարարը հռետորական հարց է ուղղել եվրոպացիներին․ «Արդյո՞ք դուք ձեզ ավելի ապահով եք զգում, երբ ձեր էլիտաները պատերազմի կացին են բացում։ Կարծում եմ՝ պատասխանը պարզ է»։ Ավելի վաղ նա նշել էր, որ ՆԱՏՕ-ի երկրները փորձում են ստիպել Վաշինգտոնին հրաժարվել Ուկրաինայի շուրջ խաղաղ բանակցություններից՝ ընդգծելով, որ հույս ունի ԱՄՆ նախագահ Դոնալդ Թրամփը կպահպանի իր սկզբունքային մոտեցումը՝ ձևավորված Ալյասկայում Պուտինի հետ հանդիպման ժամանակ։