«Էյֆորիա» սերիալի աստղը արմատապես փոխել է իր կերպարը

«Էյֆորիայի» աստղ Սիդնի Սուինին կտրուկ փոխել է իր կերպարը։ Լուսանկարները հրապարակվել են Page Six կայքում։

Սիդնի Սուինին ներկա է գտնվել «Քրիստի» ֆիլմի ցուցադրությանը, որտեղ նա խաղում է նախկին պրոֆեսիոնալ բռնցքամարտիկ Քրիստի Մարտինի դերը։ Միջոցառումը տեղի է ունեցել Լոս Անջելեսում՝ AFI կինոփառատոնի շրջանակում։ Դերասանուհին ներկայացել է նոր՝ կարճ սանրվածքով։ «Էյֆորիայի» աստղը կանգնել է տեսախցիկների առջև նուրբ վարդագույն ժանյակավոր, խոր դեկոլտեով զգեստով, որը լրացրել էր մատանով։ Նրա դիմահարդարումն ընդգծված էր մուգ վարդագույն ստվերաներկով, թարթիչաներկով և շրթներկի փայլով։

Հուլիսի վերջին Սիդնի Սուինին հայտնվեց սկանդալի կենտրոնում․ նրան քննադատեցին «նացիստական քարոզչության» մեջ՝ American Eagle բրենդի գովազդային արշավին մասնակցելու պատճառով։ Պատճառը դարձել էր հավաքածուի կարգախոսը՝ «Սիդնի Սուինիի ջինսերը հիանալի են», որը անգլերենում հնչում է որպես բառախաղ՝ great jeans / great genes («հիանալի ջինսեր» / «հիանալի գեներ»): Ինտերնետ-օգտատերերը կարծում էին, որ American Eagle-ի գովազդը հղում է անում եվգենիկայի, նացիզմի և սպիտակ ցեղի գերակայության գաղափարներին։

Հետագայում ԱՄՆ նախագահ Դոնալդ Թրամփը գովաբանեց դերասանուհուն՝ իմանալով, որ նա գրանցված հանրապետական է։

Թարգմանությունը՝ Lurer.com-ի