Сбербанк-ը կանխատեսել է ռուբլու արժեզրկում՝ մինչև տարեվերջ դոլարը կարող է հասնել 90-ի

Сбербанк-ում կանխատեսում են, որ մինչև 2025 թվականի ավարտը ռուբլու փոխարժեքը կթուլանա, իսկ դոլարը կարող է ամրանալ շուրջ 90 ռուբլու սահմանում։ Այս մասին հայտարարել է բանկի վարչության նախագահի տեղակալ և ֆինանսական բլոկի ղեկավար Տարաս Սկվորցովը՝ հաղորդում է ՌԻԱ Նովոստի-ն։

«Ճշգրիտ թիվը դժվար է կանխատեսել, բայց ընդհանուր մակարդակը կլինի մոտ 90 ռուբլու սահմաններում»,— նշել է բանկի բարձրաստիճան ներկայացուցիչը։

Ավելի վաղ նման կանխատեսում էր արել նաև Սբերբանկի ղեկավար Գերման Գրեֆը, որը նշել էր, որ տարեվերջին սպասվում է ազգային արժույթի որոշակի թուլացում։ Ներկայումս դոլարի պաշտոնական փոխարժեքը կազմում է 78,98 ռուբլի, սակայն, ինչպես նշում են վերլուծաբանները, վերջին ամիսներին ռուբլու դիրքերի տատանումները կապված են արտահանողների կողմից արտարժույթի վաճառքի տեմպերի և Կենտրոնական բանկի դրամավարկային քաղաքականության սպասվող փոփոխությունների հետ։