Ռուսաստանում բենզինի գները կտրուկ նվազել են՝ հասնելով ամառվանից ի վեր նվազագույնի

Ռուսաստանի Պետերբուրգյան բորսայում հոկտեմբերի 28-ին գրանցվել է բենզինի և դիզելային վառելիքի գների կտրուկ անկում․ սա նվազագույն ցուցանիշն է վերջին ամիսների ընթացքում։ Տվյալների համաձայն՝ ԱԻ-92 բենզինի գինը նվազել է 4,8%-ով՝ հասնելով 68,316 ռուբլու մեկ տոննայի դիմաց, իսկ ԱԻ-95-ը՝ 3,38%-ով՝ մինչև 76,928 ռուբլի։ Ամառային դիզելը նվազել է 3,52%-ով՝ հասնելով 61,875 ռուբլու, իսկ ձմեռայինը՝ 0,41%-ով՝ մինչև 76,989 ռուբլի։

Գների անկումը շարունակվում է երկրորդ օրը, մինչդեռ ավելի քան մեկ ամիս վառելիքը վաճառվում էր ռեկորդային բարձր մակարդակով՝ առաջացնելով տեղական դեֆիցիտ մի շարք շրջաններում։ Պաշտոնական աղբյուրները նախկինում այս իրավիճակը բացատրել էին աճող պահանջարկով, տրանսպորտային բարդություններով և անպլան վերանորոգումներով նավթավերամշակման գործարաններում։

Փորձագետները նշում են, որ տուրիստական սեզոնի ավարտը հանգեցրել է բենզինի սպառման նվազմանը, ինչի շնորհիվ հնարավոր է դարձել վերականգնել շուկայի հավասարակշռությունը։ Միևնույն ժամանակ, հաղորդվել է, որ Տաջիկստանում առաջացել է վառելիքի լուրջ պակաս՝ կապված ռուսական մատակարարումների դադարեցման հետ․ արտադրողները, ըստ ամենայնի, վերաուղղել են բենզինի հոսքը դեպի ներքին շուկա։