ՀՀ նախկին նախագահի հեռախոսահամարը եղել է Թուրքիայում «լրտեսության» գործով անցնող կասկածյալի հեռախոսում․ «Хроника Кавказа»

Թուրքիայի պետական ​​«Անադոլու» գործակալությունը հրապարակել է Ստամբուլի նախկին քաղաքապետ Էքրեմ Իմամօղլուի, Նեջաթի Օզքանի, Մերդան Յանարջի և Մելիհ Գյոչեքի դեմ հարուցված «լրտեսության» գործի քննության մանրամասները, փոխանցում է «Хроника Кавказа»–ն։

Հրապարակման համաձայն՝ կասկածյալ Հուսեյն Գյունը հայտարարել է իր «զղջման» իրավունքից օգտվելու և հետաքննության հետ համագործակցելու մտադրության մասին։ Հարցաքննության ընթացքում նրան հարցեր են տրվել իր հեռախոսում հայտնաբերված կոնտակտների վերաբերյալ։

«Քննիչների տվյալներով՝ ցուցակում ներառված է եղել 34 անձ՝ նախկին պաշտոնյաներ, դիվանագետներ և բարձրաստիճան զինվորականներ, որոնցից 14-ը՝ հետախուզության աշխատակիցներ։ Նրանց թվում էին Իսրայելի նախկին վարչապետ Էհուդ Օլմերտը, Իսրայելի նախկին նախագահ Շիմոն Պերեսի որդին, ՀՀ նախկին նախագահ Արմեն Սարգսյանը, ՀՀ նախկին վարչապետ Կարեն Կարապետյանը և ԱՄՆ նախագահ Դոնալդ Թրամփի 2017-2019 թվականներին օգնական Ֆիոնա Հիլը»,– գրում է լրատվամիջոցը։

Գյունը բացատրել է, որ իր հեռախոսում նախկին պաշտոնյաների և գործարարների թվի առկայությունը բացատրվում է իր նախկին առևտրային և բիզնես գործունեությամբ։

Հիշեցնենք, որ Ստամբուլի նախկին քաղաքապետ, գլխավոր ընդդիմադիր ուժ համարվող «Ժողովրդահանրապետական կուսակցության» անդամ Էքրեմ Իմամօղլուն և ընդդիմադիր տեսակետներ ներկայացնող «TELE1» հեռուստաալիքի գլխավոր խմբագիր Մերդան Յանարդաղը մեղադրվում են «լրտեսության» մեջ։

Հիշեցնենք նաև, որ Էքրեմ Իմամօղլուն դատապարտել է 1 տարի 8 ամսվա ազատազրկման: