Հնդկաստանը պատրաստվում է սկսել ռուսական SJ-100 ինքնաթիռների արտադրությունը

Հնդկական պետական ընկերությունը Hindustan Aeronautics Limited (HAL) հայտնել է, որ ստանալու է թույլտվություն արտադրելու ռուսական SJ-100 քաղաքացիական ինքնաթիռը՝ SSJ-100-ի ամբողջությամբ ռուսական տարբերակը։ Ինչպես գրում է Bloomberg-ը, ծրագիրը կիրականացվի Ռուսաստանի Միացյալ ավիաշինական կորպորացիայի (ОАК, «Ростех» խմբի անդամ) հետ ստորագրված համաձայնագրի շրջանակում։

Ընկերության հայտարարությամբ՝ սա կլինի առաջին անգամը, երբ Հնդկաստանում կարտադրվի ամբողջական ուղևորատար ինքնաթիռ։ Թե արդյոք համաձայնագիրը ներառում է տեխնոլոգիաների փոխանցում, HAL-ը չի պարզաբանել։ Բացի այդ, ընկերությունը դեռ չի բացահայտել ներդրումների ծավալը, ֆինանսավորման աղբյուրները կամ այն, թե որ ավիաընկերություններն են արդեն հետաքրքրված նախագծով։

Հայտնի է, որ SJ-100-ը և նրա ռուսական ՊԴ-8 շարժիչը ներկայում անցնում են սերտիֆիկացում։ Թռիչքային փորձարկումները մեկնարկել են այս տարվա գարնանը, իսկ դրանց ավարտը սպասվում է հաջորդ տարվա սկզբին։ Համաձայնագիրը ստորագրվել է Ռուսաստանի նախագահ Վլադիմիր Պուտինի այցից առաջ՝ ընդգծելով Մոսկվայի և Նյու Դելիի ռազմավարական տնտեսական համագործակցության նոր փուլը։