Սիդնի Սուինին կտրուկ փոխել է ոճը՝ ներկայացնելով նոր բլոնդ կերպար

Ամերիկացի դերասանուհի Սիդնի Սուինին ներկայացրել է իր նոր, ամբողջությամբ փոխված կերպարը․ Daily Mail-ի տեղեկացմամբ՝ 28-ամյա «Էյֆորիա» սերիալի աստղը հայտնվել է բլոնդ բոբ սանրվածքով և նոր ոճով։

Սուինին ներկայացել է Լոս Անջելեսում անցկացվող AFI Fest կինոփառատոնին՝ մասնակցելով իր գլխավոր դերակատարությամբ նկարահանված «Կրիստի» ֆիլմի պրեմիերային։ Նա կարմիր գորգին երևացել է վարդագույն երկարափեշ զգեստով՝ խորը դեկոլտեով և նուրբ ժանյակային մանրամասներով, գրավելով բոլորի ուշադրությունը։

Նաև հայտնի է, որ դերասանուհին վերջերս նշել է իր ծննդյան օրը՝ կրկնօրինակելով 2000-ականների փոփ աստղ Բրիտնի Սփիրսի լեգենդար կերպարը, ինչը դարձավ նրա նոր ոճային վերափոխման նախերգանքը։