Չինաստանում բացահայտել են «Բուրևեստնիկ»-ի հայտնվելու հետևանքները

«Բուրևեստնիկ» միջուկային կայանքով ռուսական հրթիռի հայտնվելը ԱՄՆ-ին կստիպի նվազեցնել Ուկրաինային տրամադրվող օգնությունը։ Այս մասին հայտարարել է չինացի ռազմական փորձագետ, վերլուծաբան Լան Շունժենը, փոխանցում է Lenta-ն։

«Զենքի բնութագրերի և զսպման ուժեղացման մասին հրապարակային հայտարարությունը կարող է ստիպել ԱՄՆ-ին կրճատել Ուկրաինային տրամադրվող օգնության ծավալը մեծ հեռահարության սպառազինության ոլորտում», - ընդգծել է փորձագետը:

Վերջինս հավելել է, որ ռուսական նոր հրթիռը կարող է նաև փոփոխություններ հրահրել սպառազինության համաշխարհային ոլորտում: Նա հնարավոր է համարել, որ մյուս պետությունները հետևեն օրինակին և նմանատիպ համակարգեր մշակեն։