Amazon-ը կրճատում է շուրջ 14,000 կորպորատիվ աշխատատեղ՝ արհեստական բանականության ներդրման ֆոնին

Amazon-ը հայտարարել է, որ առաջիկայում կրճատելու է իր կորպորատիվ աշխատակազմը շուրջ 14,000 աշխատողով, իսկ հաջորդ տարի սպասվում են նոր կրճատումներ։ Ինչպես հաղորդում է Reuters-ը, տեխնոլոգիական հսկայի այս քայլը կապված է արհեստական բանականության (AI) արագացված կիրառման և ծախսերի նվազեցման ռազմավարության հետ։

Ըստ հաղորդագրության՝ աշխատանքից ազատումները կանդրադառնան մի շարք ստորաբաժանումների վրա՝ ներառյալ սարքավորումների, գովազդի, Prime Video-ի, մարդկային ռեսուրսների և Amazon Web Services (AWS) բաժինները։ Ընկերությունը նշել է, որ կտրամադրի 90-օրյա ժամկետ՝ աշխատակիցներին հնարավորություն տալով գտնել նոր տեղ ընկերության ներսում։

Amazon-ի ղեկավարությունը, ներառյալ CEO Էնդի Ջեսին, ընդգծել է, որ արհեստական բանականությունը դառնում է ամենամեծ տեխնոլոգիական հեղափոխությունը Ինտերնետից հետո, և դրա կիրառումը թույլ կտա ավտոմատացնել բազմաթիվ կառավարչական և տեխնիկական գործընթացներ։ Ընկերությունը այս տարի նախատեսում է ներդնել շուրջ 118 միլիարդ դոլար՝ AI և ամպային ենթակառուցվածքների զարգացման մեջ։ Միաժամանակ, ԱՄՆ սենատոր Բեռննի Սանդերսն արդեն պահանջել է բացատրություն Amazon-ի հիմնադիր Ջեֆ Բեզոսից՝ կապված ավտոմատացման հետևանքով հնարավոր կես միլիոն աշխատատեղերի կորստի հետ։