Վարչապետը չկարողացավ բացատրել՝ ով է գործարկել Դանիայի վրա թռչած անծանոթ դրոնները

Դանիայի վարչապետ Մետտե Ֆրեդերիկսենը լրագրողների հետ հանդիպման ժամանակ հայտարարել է, որ կառավարությունը չի կարող հստակ ասել, թե ով է գործարկել Դանիայի տարածքի վրա հայտնված անծանոթ դրոնները, հայտնում է РИА Новости-ն։

Ֆրեդերիկսենի խոսքով՝ այս իրավիճակը բնորոշ է հիբրիդային պատերազմի մեխանիզմներին, երբ հակառակորդը չի բացահայտում իր ինքնությունը։ «Սխալ է փորձել ամփոփել բոլոր նման գործողությունները կամ հարձակումները, քանի որ հենց դա է հիբրիդային պատերազմի էությունը՝ դուք չգիտեք, թե ով է ձեր դիմաց», — նշել է վարչապետը։

Նա հավելել է, որ նման միջադեպերի դեպքում «գրավոր եզրակացության հասնելը գրեթե անհնար է»։ Ավելի վաղ Դանիան, Նորվեգիան, Ֆինլանդիան և Շվեդիան համաձայնել էին համատեղորեն գնել ռազմական դրոններ և համապատասխան սարքավորումներ, որպեսզի ամրապնդեն հյուսիսային երկրների պաշտպանական համակարգը։