Անտիմոնարխիստը հարձակվել է արքա Չարլզ III-ի վրա՝ անհարմար հարցերով իր եղբոր մասին

Մեծ Բրիտանիայում անտիմոնարխիստական «Հանրապետություն» շարժման ակտիվիստը հրապարակային հանդիպման ժամանակ դիմել է արքա Չարլզ III-ին սուր հարցերով՝ կապված նրա սկանդալային եղբոր՝ պրինց Էնդրյուի հետ, հայտնում է Daily Mail-ը։

Միջադեպը տեղի է ունեցել Լիչֆիլդի տաճարի մոտ, որտեղից դուրս գալուց հետո արքան մոտեցել է հավաքված քաղաքացիներին։ Այդ պահին ակտիվիստը, կանգնած լինելով ցանկապատի մոտ, բարձրաձայն հարցրել է․ «Դուք վաղո՞ւց գիտեիք Էնդրյուի և Էփշտեյնի հարաբերությունների մասին։ Դուք խնդրեցի՞ք ոստիկանությանը՝ ծածկել նրա արարքները»։ Արքա Չարլզը, սակայն, անտեսել է բղավողին, իսկ ամբոխը սկսել է պահանջել, որ նա լռի։ Տեսագրությունում երևում է, թե ինչպես անվտանգության աշխատակիցը մոտենում է երիտասարդին, իսկ մի քանի մարդ փորձում են նրան հեռացնել ամբոխից։

Հիշեցնենք, որ պրինց Էնդրյուն տարիներ շարունակ եղել է սեռական հանցագործությունների մեղադրանքների կենտրոնում, այդ թվում՝ Վիրջինիա Ջուֆրեի գործով, որն ավարտվել է 12 միլիոն ֆունտ ստերլինգի հաշտությամբ։ Սկանդալներից հետո նրան զրկեցին գրեթե բոլոր արքայական տիտղոսներից, իսկ 2024-ի վերջին լրատվամիջոցները հայտնեցին, որ նրա նախկին խորհրդականներից մեկը կասկածվում է Չինաստանի օգտին լրտեսության մեջ, ինչը ևս խորացրեց իրավիճակը։