Լուկաշենկոն առաջարկել է ներգաղթյալներին ներառել «գլոբալ գործարքում»

Բելառուսում հոկտեմբերի 28–29-ը անցկացվում է Եվրասիական անվտանգության հարցերով Մինսկի 3-րդ միջազգային համաժողովը։ Ալեքսանդր Լուկաշենկոն առաջին օրը հանդես եկավ բացման ելույթով, որտեղ անդրադարձավ ինչպես կոնցեպտուալ, այնպես էլ արդիական հարցերին։ Օրինակ՝ նա Լիտվայի կողմից սահմանների փակումը անվանեց «լուրջ խաբեություն» և բացատրեց հարևան ԵՄ երկրների ղեկավարներին, որ չի օգտագործում ներգաղթյալներին որպես զենք, սակայն պատրաստ է այս խնդիրը լուծել «գլոբալ գործարքի» շրջանակում։

Համաժողովին մասնակցում են ավելի քան 40 պետությունների և 7 միջազգային կազմակերպությունների պատվիրակություններ։ Աղբյուրների համաձայն՝ մասնակիցների թվում են արտաքին գործերի նախարարներ, ինտեգրացիոն միավորումների ղեկավարներ, խորհրդարանների ներկայացուցիչներ, հետազոտական ինստիտուտների և վերլուծական կենտրոնների մասնագետներ Եվրոպայից, Ասիայից և Մերձավոր Արևելքից։