Մեքսիկայում մարդկային մասունքներով լի 48 պարկ է հայտնաբերվել

Մեքսիկայի Գվադալախարա քաղաքում հայտնաբերվել է զանգվածային գերեզման, որտեղ թաղված են եղել մարդու մարմնի մասեր պարունակող պարկեր, հաղորդում է CBS News-ը։

Գվադալախարան Խալիսկո նահանգի մայրաքաղաքն է, որտեղ գործում է ամենադաժան և հզոր թմրավաճառական կարտելներից մեկը։ Նահանգում հազարավոր մարդիկ երկար ժամանակ անհետ կորած են համարվում։

Դատախազությունը հայտնել է, որ մարմինները հայտնաբերվել են մոտ չորս շաբաթ առաջ՝ որոնողական խմբի կողմից Սապոպանի դատարկ տարածքում։ Իշխանությունները հայտարարել են, որ զոհերի ճշգրիտ թիվը ներկայումս պարզվում է, բայց անհնար է որոշել ճշգրիտ թիվը, քանի դեռ պարզվում է մարմնի մասերի ինքնությունը։