Պայթյուն Հալեպի համալսարանում

Սիրիայի՝ մեծությամբ երկրորդ՝ Հալեպի համալսարանում պայթյուն է տեղի ունեցել, հայտնում է Agence France-Presse-ը՝ վկայակոչելով Սիրիայի պետական հեռուստատեսությանը: Պայթյունի արդյունքում զոհվել է նվազագույնը 15 մարդ: Վիրավորների մասին դեռևս տեղեկություններ չկան:

Նախնական տվյալներով՝ պայթյունը կազմակերպվել է ինչ-որ ահաբեկչական կազմակերպության կողմից. պատահարի մասին այլ մանրամասներ չեն հաղորդվում:

Իրավապաշտպան Syrian Observatory for Human Rights կազմակերպությունը հաստատել է պայթյունի փաստը, սակայն պայթյունի պատճառը հայտնի չէ:

Կազմակերպության տվյալներով՝ պայթյունը որոտացել է համալսարանի հանրակացարանների և ճարտարապետական ֆակուլտետի միջև ընկած հատվածում: