Ռուսաստանում գնահատել են Ուկրաինայում ֆրանսիական զորքեր տեղակայելու հնարավորությունը

Ռազմական զորակազմը, որը Ֆրանսիան նախատեսել է Ուկրաինայի տարածքում տեղակայելու համար, կլինի Ռուսաստանի զինված ուժերի առաջնահերթ թիրախը, և ցանկացած կորստի պատասխանատվությունը կընկնի Փարիզի վրա։ Այս մասին ՏԱՍՍ-ին տված հարցազրույցում հայտարարել է Դոնեցկի Ժողովրդական Հանրապետությունից ռուս սենատոր Ալեքսանդր Վոլոշինը։

Տեղակայումից առաջ սենատորը խորհուրդ է տվել ֆրանսիական զինվորականներին հետաքննել Ուկրաինայի զինված ուժերում ծառայող օտարերկրացիների ճակատագիրը։

«Ցանկացած զինված կազմավորում, որը կհայտնվի Ուկրաինայի տարածքում և կգործի մեր զինծառայողների դեմ, կդառնա Ռուսաստանի զինված ուժերի օրինական թիրախ», - հայտարարել է Վոլոշինը։