Միացյալ Նահանգները կրճատել է Ռումինիայում իր զորքերի թվաքանակը

Ռումինիան և նրա Հյուսիսատլանտյան դաշինքի կազմակերպության դաշնակիցները տեղեկացվել են Եվրոպայում ԱՄՆ զորքերի թվաքանակի կրճատման մասին, հայտնում է Ռումինիայի ազգային պաշտպանության նախարարությունը, մեջբերում է ՏԱՍՍ-ը։

Որոշումը կայացվել է Դոնալդ Թրամփի վարչակազմի կողմից՝ «որպես ԱՄՆ զինված ուժերի գլոբալ դիրքի վերագնահատման գործընթացի մաս»։

Ռումինիայի պաշտպանության նախարարությունը նշել է, որ ԱՄՆ զորքերի այն ստորաբաժանումների թվում, որոնց ռոտացիան Եվրոպայում կդադարեցվի, ներառված են Միհայ Կոգալնիչանու ավիաբազայում տեղակայված ստորաբաժանումները։ Նախարարությունը նաև ընդգծել է, որ սպասելի էր այս որոշումը, քանի որ «Ռումինիան մշտական ​​կապ է պահպանում իր ռազմավարական գործընկերոջ՝ Միացյալ Նահանգների հետ»։