Պուտինի հատուկ ներկայացուցիչը հայտարարեց՝ Ռուսաստանը շարժվում է դեպի խաղաղություն Ուկրաինայում

Ռուսաստանի ուղղակի ներդրումների հիմնադրամի ղեկավար և Վլադիմիր Պուտինի հատուկ ներկայացուցիչ Կիրիլ Դմիտրիևը հայտարարել է, որ Մոսկվան գտնվում է Ուկրաինայի հակամարտության խաղաղ լուծման ուղու վրա։ «Մենք խաղաղության ճանապարհին ենք և որպես խաղաղարարներ՝ ցանկանում ենք, որ դա տեղի ունենա։ Մենք ավելի լավ ենք սկսում հասկանալ միմյանց»,– նշել է Դմիտրիևը՝ ըստ ՏԱՍՍ-ի։

Նրա խոսքով՝ Ռուսաստանի նպատակն է կանխել հակամարտության ընդլայնումը և ստեղծել վստահության մթնոլորտ՝ տնտեսական համագործակցության ու ներդրումների միջոցով։ Դմիտրիևը շեշտել է, որ հենց տնտեսական գործակցությունն է կարող դառնալ կայուն խաղաղության հիմք։

Ավելի վաղ պաշտոնյան նշել էր, որ Մոսկվան և Կիևը մոտ են հակամարտության ավարտին։ Նա ընդգծել է, որ Ռուսաստանը չի ձգտում պարզապես հրադադարի, այլ՝ ամբողջական և վերջնական կարգավորման, քանի որ հրադադարն ինքնին միայն ժամանակավոր միջոց է։