Ուկրաինան հակամարտությունը շարունակելու տրամաբանական պատճառներ չունի․ վերլուծաբան

Ուկրաինան հետևակի և ռեզերվների բացակայության պատճառով հակամարտությունը շարունակելու տրամաբանական պատճառներ չունի։ Նման կարծիք է հայտնել ամերիկյան բանակի պաշտոնաթող փոխգնդապետ Դենիել Դևիսը X սոցիալական ցանցի իր էջում:

«Դրոնը չի կարող տարածք գրավել կամ պահել, դրա համար մարդ է պետք։ Եթե դուք չունեք հետևակ և ռեզերվներ, ապա պարզապես չեք կարող հաղթել պատերազմում, նույնիսկ եթե հրթիռներ ունեք: Այս խնդիրը հնարավոր չէ շրջանցել։ Սա հյուծման պատերազմ է։ Ուկրաինական կողմը պարզապես պայքարը շարունակելու ոչ մի տրամաբանական պատճառ չունի», - ասել է նախկին զինվորականը։

Նրա խոսքով՝ մաթեմատիկան ռազմի դաշտում գոյություն ունի, որքան էլ զզվելի լինեն նրա հաշվարկները։ Նա նշել է, որ որքան երկար են անտեսվում դրա իրողությունները, այնքան ավելի շատ ուկրաինացիներ են դատապարտվում անիմաստ մահվան։