Պավել Դուրովը հայտարարեց նոր՝ արհեստական բանականությամբ դեցենտրալիզացված ցանցի գործարկման մասին

Telegram-ի հիմնադիր Պավել Դուրովը ներկայացրել է իր նոր նախագիծը՝ Cocoon, որը համատեղում է արհեստական բանականության (AI) և TON բլոկչեյնի տեխնոլոգիաները։ Ինչպես հաղորդում է ՏԱՍՍ-ը, Cocoon-ը թույլ կտա գրաֆիկական պրոցեսորների (GPU) տերերին տրամադրել իրենց հաշվարկային հզորությունները Toncoin-ի մայնինգի և այլ նախագծերի համար։

Դուրովի խոսքով՝ այս ցանցը կբացի նոր հնարավորություններ մշակողների համար՝ ապահովելով հավելվածների կապը ազատ հաշվարկային ռեսուրսների հետ՝ միաժամանակ պահպանելով օգտագործողների լիարժեք գաղտնիությունը։ Նախատեսվում է, որ Telegram-ը կդառնա Cocoon-ի առաջին խոշոր հաճախորդը, իսկ ցանցի գործարկումը նախատեսված է նոյեմբերին։

Ավելի վաղ Դուրովը կանխատեսել էր, որ բիթքոյնի արժեքը ապագայում կհասնի մեկ միլիոն դոլարի, իսկ վերջերս նա իր սիրելիին նվիրել էր բացառիկ NFT ժպտացող գորտ՝ մոտ 52,5 հազար դոլար արժողությամբ։