Աշխատակիցը ընկել է ծով՝ Սիցիլիայի մոտ ընթացող կրուիզի ժամանակ և անհետ կորել

Կրուիզային Viking Sun նավի անձնակազմի անդամը ընկել է ծով և անհետացել Սիցիլիայի ափերի մոտ՝ Միջերկրական ծովում։ Ինչպես հաղորդում է The New York Post-ը, միջադեպը տեղի է ունեցել հոկտեմբերի 27-ի առավոտյան, երբ նավը մոտենում էր Պալերմո քաղաքին։

Էկիպաժը անմիջապես սկսել է որոնողական գործողություններ՝ համագործակցելով Իտալիայի ծովային փրկարար ծառայության հետ։ Նավը մի քանի անգամ շրջել է այն տարածքում, որտեղ ենթադրվում էր, որ կարող էր գտնվել անհետացած աշխատակիցը, սակայն որոնումները արդյունք չեն տվել։ Նավի տնօրինությունը հետագայում ընդլայնել է որոնման շրջանը՝ առանց հավելյալ մանրամասներ հաղորդելու։

Միջադեպը տեղի է ունեցել ութօրյա կրուիզի ընթացքում, որը մեկնարկել էր Աթենքից՝ ուղևորությամբ դեպի Թուրքիա, Կրետե և ապա Սիցիլիա։ Սա առաջին նմանատիպ դեպքը չէ․ ավելի վաղ մեկ այլ ուղևորուհի կրուիզային նավից ընկել էր ջուրը, սակայն հաջողվել էր փրկվել ուժեղ քամիների պայմաններում։