Չինաստանը անաղմուկ գործարկել է SWIFT-ին փոխարինող միջազգային վճարային համակարգ

Չինաստանը գործարկել է իր սեփական՝ Renminbi Digital անվանումը կրող միջազգային հաշվարկային համակարգը, որը ներկայացվում է որպես այլընտրանք SWIFT-ին։ Այս մասին հայտարարել է ռուս-չինական բարեկամության և զարգացման կոմիտեի համանախագահ Բորիս Տիտովը, հաղորդում է ՏԱՍՍ-ը։

Տիտովի խոսքով՝ համակարգը գործարկվել է «հանգիստ, առանց աղմուկի և քաղաքական հռետորաբանության»։ Այն նախատեսված է երկրների համար, որոնք առևտուր են իրականացնում Չինաստանի հետ և ցանկանում են շրջանցել դոլարային ֆինանսական համակարգը։ Այժմ Renminbi Digital-ը հասանելի է ԱՍԵԱՆ-ի, Մերձավոր Արևելքի, Ռուսաստանի և մի շարք ԱՊՀ երկրների շուկաներում։

Ըստ Տիտովի՝ միայն 2025 թվականին այս հարթակի միջոցով անցել է ավելի քան 90 միլիարդ դոլարի շրջանառություն։ Ավելի վաղ Ռուսաստանի Պետդումայի ֆինանսական շուկաների կոմիտեի ղեկավար Անատոլի Աքսակովը հայտարարել էր, որ Ռուսաստանը «այլևս չի կարիք զգում SWIFT համակարգի», քանի որ այն տեխնոլոգիապես հնացած է և քաղաքական ազդեցության տակ։