Փարիս Հիլթոնը կրկնօրինակել է Բրիթնի Սփիրսի լեգենդար կերպարը 2000 թվականից

Ամերիկացի մոդել, դերասանուհի և դիզայներ Փարիս Հիլթոնը կրկին ուշադրության կենտրոնում է հայտնվել՝ Instagram-ում ներկայացնելով իր նոր լուսանկարները, որտեղ նա կրկնում է Բրիթնի Սփիրսի 2000 թվականի լեգենդար կերպարը։

44-ամյա Հիլթոնը Հելոուինի նախաշեմին կրել է կարմիր լատեքսային կոմբինեզոն, որը կրկնում է Սփիրսի հանդերձանքը «Oops!... I Did It Again» երգի տեսահոլովակից։ Լուքը լրացրել են սև լաքապատ բարձրակրունկ կոշիկներն ու ուղղված մազերը։ «Սկսում եմ Հելոուինի շաբաթը՝ հարգանքի տուրքով իմ թագուհուն՝ Բրիթնիին», — գրել է Հիլթոնը հրապարակման մեկնաբանությունում։

Սոցցանցերում բազմաթիվ օգտատերեր գովաբանել են Փարիսի կերպարը՝ նշելով, որ նա կարողացել է համադրել նոստալգիան և ժամանակակից շքեղությունը։ Ավելի վաղ Հիլթոնը հայտնվել էր Փարիզի նորաձևության շաբաթվա երեկույթում՝ կրելով համարձակ զգեստ, որը բաց էր կրծքի հատվածում։