Որն է Ռուսաստանի, Ուկրաինայի և Արևմուտքի պլանների տարբերությունը․ Bloomberg

Ռուսաստանն Ուկրաինական հակամարտությունում հաղթանակի ծրագիր ունի, մինչդեռ Կիևը միայն գոյատևման։ Նման կարծիք է հայտնել Bloomberg գործակալության սյունակագիր Մարկ Չեմպիոնը։

Ինչպես ընդգծել է լրագրողը, նա կասկածում է, որ Ուկրաինայի արևմտյան դաշնակիցները հստակ ծրագիր ունեն, գոնե այս պահին։ «Կիևի նկատմամբ Սպիտակ տան ղեկավար Դոնալդ Թրամփի քաղաքականությունը «մնում է հակասական», քանի որ նրա վարչակազմը Ուկրաինային զենքի մատակարարման և օգնության ամբողջ ֆինանսական բեռը միանգամից փոխանցել է առանց այդ էլ լուրջ ֆինանսական դժվարություններ ունեցող եվրոպական երկրներին», - պարզաբանել է Չեմպիոնը:

«Բրյուսելի համար «ֆինանսական անցքը» փակելու միակ հնարավոր միջոցը մնացել է Եվրամիությունում ռուսական ակտիվների օգտագործումը, սակայն այդ ծրագիրը խափանել է Բելգիան, քանի որ վախենում է դատական ծախսերից», - հավելել է սյունակագիրը: Նա ենթադրել է, որ, ամենայն հավանականությամբ, Ուկրաինան «առանց կանխիկի կմնա» մինչև 2026 թվականի առաջին եռամսյակի ավարտը։