Որոնք են Վենեսուելայի վրա ԱՄՆ-ի հարձակման հնարավոր սցենարները․ FT

Եթե ԱՄՆ նախագահ Դոնալդ Թրամփի վարչակազմը որոշում կայացնի Վենեսուելայի դեմ ռազմական գործողության մասին, ապա Վաշինգտոնը կարող է հրթիռահրետանային հարվածներ հասցնել, առևանգել նախագահ Նիկոլաս Մադուրոյին կամ Պանամայի նման լայնամասշտաբ ներխուժում իրականացնել, ինչը քիչ հավանական է: Նման կարծիք է հայտնել Financial Times թերթը։

Վերլուծաբանների գնահատմամբ՝ ԱՄՆ-ն պատրաստվում է հնարավոր հարձակման, սակայն նրա զինված ուժերն այժմ անկում են ապրում։ Ներխուժման առաջին տարբերակը կապում են թմրավաճառության հետ կապված օբյեկտներին հարվածների հետ, որի իրականացման համար կպահանջվի երկրի ՀՕՊ-ի թուլացում։ Հարձակման պատճառ կարող է լինել Մադուրոյի վերջին հայտարարությունը, որ երկիրն իր տրամադրության տակ ունի հինգ հազար ռուսական Игла-С համալիրներ։

Մինչդեռ պարբերականը ներկայացնում է երկրորդ սցենարը, որի համաձայն հնարավոր է Վենեսուելայի ղեկավարի կամ նրա մերձավոր համախոհների առևանգումը։ Այս սցենարն իրագործելու համար առաքելությունը պետք է չեզոքացնի Կարակասում կենտրոնական հրամանատարության ստորաբաժանումները, ուստի ամերիկացի զինվորականները կբախվեն «ուժերի, զինամթերքի և հրամանատարական կառույցների բարձր կենտրոնացման» հետ, ինչի մասին հայտարարել է վերլուծաբան Անդրեյ Սերբին Պոնտեն: «Երրորդ տարբերակը լայնամասշտաբ ներխուժումն է, որը նման է 1989 թվականին Պանամայի գործողությանը, սակայն դա քիչ հավանական է», - կարծում են լրագրողներն ու ռազմական փորձագետները: