ԱՄՆ-ում գնահատել են «Բուրևեստնիկին» պատասխանելու ունակությունը (տեսանյութ)

ԱՄՆ-ն այժմ ի վիճակի չէ պատասխանել ռուսական նոր «Բուրևեստնիկ» թևավոր հրթիռին։ Նման գնահատական է տվել Պենտագոնի ղեկավարի նախկին խորհրդական Դուգլաս Մաքգրեգորը։

Նրա խոսքով՝ վերջին տարիներին ամերիկյան պաշտպանական արդյունաբերության վիճակը լրջորեն վատացել է։ Մասնավորապես, ԱՄՆ-ն հակաօդային պաշտպանության միջոցների պակաս է զգում, ինչի պատճառով դժվար կլինի «Բուրևեստնիկի» նման հրթիռ խոցելը։

«Ռուսներն այժմ իրենց զինանոցում ունեն նոր զենք, որին մենք պատասխան չունենք, բացի փոխադարձ ոչնչացումից, ինչից, կարծում եմ, մեր նախագահ Դոնալդ Թրամփը ցանկանում է խուսափել: Մենք ինքներս շատ խոցելի ենք նման բանի համար», - ասել է նախկին խորհրդականը։