«Սա բլեֆ է Ռուսաստանի ու Չինաստանի դեմ». քաղաքագետ

ԱՄՆ նախկին նախագահ Դոնալդ Թրամփի հայտարարությունները միջուկային փորձարկումների մեկնարկի մասին բլեֆ են, որոնք նպատակ ունեն ամրապնդելու Վաշինգտոնի բանակցային դիրքերը Ռուսաստանի և Չինաստանի նկատմամբ։ Այս մասին ասել է ամերիկագետ Մալեկ Դուդակովը՝ մեկնաբանելով Թրամփի խոսքերը Lenta.ru-ին։

Քաղաքագետի խոսքով՝ Թրամփի վարչակազմը փորձում է ճնշում գործադրել հատկապես Պեկինի վրա՝ հայտարարությունը հնչեցնելով հենց Սի Ցզինպինի հետ գագաթնաժողովից ժամեր առաջ։ Դուդակովը ընդգծել է, որ ԱՄՆ միջուկային եռահամակարգը («տրիադը») ներկայում գտնվում է ոչ լավագույն վիճակում․ դրա արդիականացման համար անհրաժեշտ են հարյուրավոր միլիարդներ, որոնք Կոնգրեսը չի հատկացնում բյուջետային ճգնաժամի պատճառով։

«Թրամփը գիտի, որ դա թուլացնում է իր բանակցային դիրքը, ուստի նման բարձրաձայն հայտարարություններով փորձում է ուժեղացնել ԱՄՆ-ի ազդեցությունը», — նշել է Դուդակովը։ Ավելի վաղ Թրամփը հայտարարել էր, որ հանձնարարել է պատերազմական նախարարությանը սկսել միջուկային փորձարկումներ՝ «հավասար հիմունքներով մյուս երկրների հետ»։